ഈശ്വരമുല്ല (ഗരുഡക്കൊടി)
November 10,2017 | 10:27:09 am
Share this on

ഇന്ത്യയിലെവിടേയും കാണാം. വിഷ ചികിത്സയ്ക്കായാണ് ഈ വള്ളിച്ചെടി പ്രധാനമായും ഉപയോഗിക്കുന്നത്. ഗരുഡക്കൊടി, കരളകം എന്നീ പേരുകളിലും അറിയപ്പെടുന്നു. പാമ്പിന് ശത്രു ഗരുഡനെന്നപോലെയാണ് പാമ്പ് വിഷത്തിന് ഗരുഡക്കൊടി.  ഇതിന്‍റെ ശാസ്ത്രീയ നാമം: അരിസ്ടോ ലോക്കിയ ഇന്‍ഡിക്ക (Aristo-lochia indica ). വിത്തില്‍ നിന്ന് പ്രത്യുത്പാദിപ്പിക്കാം.

ഔഷധപ്രയോഗങ്ങള്‍

ഗരുഡക്കൊടിയുടെ ഏഴ് ഇല വീതം രാവിലെ കഴിച്ചാല്‍ പാമ്പ്കടിയേറ്റാല്‍ വിഷം ഏല്‍ക്കില്ല എന്ന് വൃദ്ധ വൈദ്യന്മാര്‍ പറയാറുണ്ട്.

കരളകത്തിന്‍റെ  ഇല ചതച്ച നീര് ഈരണ്ട് തുള്ളി വീതം രണ്ട് മൂക്കിലും ഒഴിച്ച്‌ വായിലേക്ക് വലിച്ചിറക്കിയാല്‍ (നസ്യം ചെയ്യുക) മൂക്കടപ്പും ജലദോഷവും ശമിക്കും. 

ഗരുഡക്കൊടിയുടെ വേര് (അഞ്ച് ഗ്രാം) ചതച്ച്‌ ഒരു രാത്രി മുഴുവന്‍ കരിക്കിന്‍ വെള്ളത്തില്‍(100 മില്ലി) ഇട്ടുവയ്ക്കുക. പിറ്റേന്ന് ഇത് കഴിക്കുക. വര്‍ഷകാലത്തെ പകര്‍ച്ചപ്പനി മാറുന്നതിനും പനി വരാതിരിക്കുന്നതിനും പ്രതിരോധശേഷി വര്‍ധിക്കുന്നതിനും നല്ലതാണ്.

ഗരുഡക്കൊടി അരച്ച്‌ പാലില്‍ കുടിച്ചാല്‍ വിഷത്തിന്‍റെ വ്യാപനം തടയാം. ചര്‍മ്മരോഗം, പ്രത്യേകിച്ച്‌ വെളളപ്പാണ്ട് മാറ്റുന്നതിനുള്ള തൈലം ഉണ്ടാക്കാന്‍ ഇതാവശ്യമാണ്.
ഗരുഡക്കൊടിയിലയുടെ 50 മില്ലി നീരില്‍ കുരുമുളക്, തിപ്പലി, ഏലത്തരി എന്നിവ പൊടിച്ചുചേര്‍ത്ത് കഴിച്ചാല്‍ ഛര്‍ദ്ദി, അതിസാരം എന്നിവയ്ക്ക് ശമനം കിട്ടും.

 

RELATED STORIES
Brands & Business
� Infomagic - All Rights Reserved.