Kerala Classifieds, News, Offers & Business
Category
Districts
+91 9447 033800
+91 9446 033800
പശുക്കളിലെ പാല്‍പ്പനിരോഗം
March 18,2017 | 10:29:51 am
Share this on

പശുക്കളിലെ പാല്‍പ്പനി അഥവാ മില്‍ക്ഫീഡര്‍ എന്ന രോഗം സാധാരണ പ്രസവശേഷം 23 ദിവസത്തിനകമോ, പ്രസവത്തിന് 23 ദിവസം മുമ്പോ ആണ് കാണപ്പെടുന്നത്. പെട്ടെന്ന് വീഴുകയും ചത്തതുപോലെ കിടക്കുകയും ചെയ്യുന്നു. തക്കസമയത്ത് ചികിത്സ ലഭ്യമാക്കിയില്ലെങ്കില്‍ ഇത് മാരകമായേക്കാം.

കാരണങ്ങള്‍: 1. രക്തത്തില്‍ കാത്സ്യത്തിന്‍റെഅളവ് കുറയുമ്പോള്‍ എല്ലുകളില്‍ ശേഖരിച്ചുവച്ച കാത്സ്യത്തെ ഉപയോഗപ്പെടുത്തുമ്പോള്‍ എല്ലുകള്‍ക്ക് ബലക്ഷയവും പേശികളുടെ പ്രവര്‍ത്തനത്തിനെയും ബാധിക്കുന്നു. ഗര്‍ഭസ്ഥ കിടാക്കളുടെ വളര്‍ച്ചയ്ക്കും പാലുല്‍പ്പാദനത്തിനും കാത്സ്യം അത്യന്താപേക്ഷിതമാണ്.
പ്രസവശേഷം ലഭിക്കുന്ന ആദ്യത്തെ പാലായ കൊളസ്ട്രത്തില്‍ രക്തത്തില്‍ അടങ്ങിയിരിക്കുന്ന കാത്സ്യത്തിന്‍റെഅളവിനെക്കാള്‍ 8.10 ഇരട്ടി കാത്സ്യം അടങ്ങിയിരിക്കുന്നു.

അകിടിലേക്ക് പ്രവഹിക്കുന്ന ഈ അധികരക്തവും, കാത്സ്യവും മറ്റു ശരീരഭാഗങ്ങളിലെ രക്തത്തിലെ കാത്സ്യത്തിന്‍റെ അളവ് കുറയ്ക്കാന്‍ കാരണമാകുന്നു.

ലക്ഷണങ്ങള്‍: മൂന്നു ഘട്ടമാകും
ഒന്നാംഘട്ടത്തില്‍: എഴുന്നേല്‍ക്കാന്‍ വിഷമം, നടക്കുമ്പോള്‍ വീഴാന്‍പോകല്‍, ക്ഷീണം കാണുക.
രണ്ടാംഘട്ടത്തില്‍: തല നെഞ്ചിനോടു ചേര്‍ത്ത് കിടക്കുന്നു. മൂക്ക് വരണ്ടിരിക്കും, ഇറിച്ചനോട്ടം, ചെവികളിലും, കൈകാലുകളിലും തണുപ്പ് അനുഭവപ്പെടുക എന്നിവ.
മൂന്നാം ഘട്ടത്തില്‍: പിടയുക, കഴുത്തില്‍ കാലുകൊണ്ട് ചവിട്ടുക, വിഭ്രാന്തി, കൈയും കാലും നീട്ടി ചത്തതുപോലെ കിടക്കുക, ചാണകവും മൂത്രവും പോകാതിരിക്കുക, വയറ് വീര്‍ക്കുക, ബോധക്ഷയവും. ചികിത്സ ലഭ്യമാക്കിയില്ലെങ്കില്‍ ചാവുന്നു.

പരിഹാരങ്ങള്‍
1. സാധാരണ നല്‍കുന്ന രണ്ടു കി.ഗ്രാം തീറ്റയ്ക്കുപുറമെ കറവപ്പശുക്കള്‍ക്ക് ഓരോ മൂന്നുലിറ്റര്‍ പാലിനും ഒരുകി.ഗ്രാം തീറ്റ അധികം നല്‍കണം.
2. ഗര്‍ഭിണികള്‍ക്ക് ആറുമാസം കഴിഞ്ഞാല്‍ ഒരു കി.ഗ്രാം തീറ്റ അധികം നല്‍കണം.
3. പ്രസവത്തിന് രണ്ടുമാസം മുമ്പ്കറവ നിര്‍ത്തണം.
4. പ്രസവത്തിനുമുമ്പ് വൈക്കോല്‍ കൂട്ടുകയും പച്ചപ്പുല്ല് ഒരുക്കുകയും ചെയ്യണം.
5. പ്രസവശേഷം പച്ചപ്പുല്ലും കാത്സ്യവും അധികം നല്‍കണം.
6. ദിവസവും 30 ഗ്രാം കാത്സ്യം പൌഡറും, പ്രസവത്തിന് എട്ടുദിവസം മുമ്പെങ്കിലും ജീവകം ഡി 3 നല്‍കണം. (ജീവകം ഡി3).
7. കാത്സ്യം, മഗ്നീഷ്യം അടങ്ങിയ മരുന്ന് പ്രസവത്തിന് ഒരുദിവസം മുമ്പും പ്രസവശേഷം ദിവസം രണ്ടുനേരം രണ്ടു ദിവസം നല്‍കണം. ഓറല്‍ കാത്സ്യം ജെല്‍ ലഭ്യമാണ്. ഇത് പ്രസവത്തിന് 24 മണിക്കൂര്‍ മുമ്പും പിന്നീട് ഒരുമണിക്കൂര്‍ മുമ്പും, പ്രസവശേഷം 12 മണിക്കൂര്‍ കഴിഞ്ഞും പിന്നെ 24 മണിക്കൂര്‍ കഴിഞ്ഞും നല്‍കണം.
8. അസുഖം ശ്രദ്ധയില്‍പ്പെട്ടാല്‍ ഉടന്‍ ഡോക്ടറുടെ സേവനം തേടണം. 300-600 മി.ലി. കാത്സ്യം സിരയില്‍ക്കൂടി നല്‍കിയാല്‍ ഒന്നാംഘട്ട രണ്ടാംഘട്ട ലക്ഷണമുള്ളവ 10-15 മിനിറ്റ്കൊണ്ടും മൂന്നാംഘട്ട ലക്ഷണമുള്ളവ 12 മണിക്കൂറിനകവും എഴുന്നേറ്റുനില്‍ക്കും.

Infomagic - All Rights Reserved.