Location
സോളാർ​: സർക്കാർ നീക്കം ബി.ജെ.പിയെ സഹായിക്കാനെന്ന്​ ചെന്നിത്തല
October 12,2017 | 04:16:07 pm
Share this on

ന്യൂഡൽഹി: സോളാർ കമീഷൻ റിപ്പോർട്ട്​ ഇപ്പോൾ  പുറത്ത്​ വിട്ടത്​ ബി.ജെ.പിയെ സഹായിക്കാനെന്ന്​​ ​ പ്രതിപക്ഷ നേതാവ്​ രമേശ്​ ​ചെന്നിത്തല. അമിത്​ ഷായുടെ മകനെതിരായ ആരോപണങ്ങളിൽ നിന്ന്​ ശ്രദ്ധ തിരിക്കാനാണ്​ പുതിയ നീക്കമെന്നും ചെന്നിത്തല കുറ്റപ്പെടുത്തി.

 യു.ഡി.എഫ്​ നേതാക്കൾക്കെതിരെ നടക്കുന്നത്​ രാഷ്​ട്രീയ നീക്കമാണ്​. അന്വേഷണ പരിധിക്ക്​ പുറത്തുള്ള വിഷയങ്ങളും കമീഷൻ പരിഗണിച്ചു.  റിപ്പോർട്ട് മാധ്യമങ്ങളിലൂടെ​ പുറത്ത്​ വിട്ടത്​ ചട്ടലംഘനമാണ്​. ​ആദ്യം ഇത്​ വെക്കേണ്ടത്​ നിയമസഭയി​ലാണെന്നും ചെന്നിത്തല പറഞ്ഞു. 

നേതാക്കൾക്കെതിരായ ആരോപണങ്ങളെ യു.ഡി.എഫ്​ ഒറ്റകെട്ടായി നേരിടും. റിപ്പോർട്ട്​ സംബന്ധിച്ച്​ കൂടുതൽ പ്രതികരണങ്ങൾ  പകർപ്പ്​ ലഭിച്ചതിന്​ ശേഷമുണ്ടാകുമെന്നും ചെന്നിത്തല പറഞ്ഞു. 

RELATED STORIES
Brands & Business
� Infomagic - All Rights Reserved.