ആവി പിടിക്കുമ്പോള്‍ ഇക്കാര്യങ്ങളില്‍ ശ്രദ്ധവേണം
November 07,2018 | 09:59:09 am

പനിയോ ജലദോഷമോ ഒക്കെ വന്നാല്‍ അത് മാറ്റുന്നതിനായി ആദ്യം നാം പരീക്ഷിക്കുന്ന മാര്‍ഗ്ഗമാണ് ആവി പിടിക്കുക എന്നത്. ഇത് എറ്റവും നല്ലമാര്‍ഗ്ഗം തന്നെയാണ് അത് ശരിയായ രീതിയില്‍ ചെയ്യുകയാണെങ്കില്‍. ശരിയായ രീതി എന്നത് വളരെ പ്രധാനം തന്നെയാണ്

തെറ്റായ രീതിയില്‍ ആവി പിടിക്കുന്നത് വിപരീത ഫലങ്ങള്‍ ഉണ്ടാക്കും എന്നതാണ് യാഥാര്‍ത്ഥ്യം മിക്കവരും ആ‍വി പിടിക്കാനായി ഉപയോഗിക്കുന്നത് തലവേദനക്കും മറ്റും ഉപയോഗിക്കുന്ന ബാമുകളാണ്. ആവി പിടിക്കുന്നതിലൂടെ ഇവ ശരീരത്തിന്‍റെ ഉള്ളില്‍ ചെല്ലാന്‍ കാരണമാകും. ഇത് ഗുരുതരമായ ആരോഗ്യ പ്രശ്നങ്ങള്‍ക്ക് കാരണമായേക്കാം. ബാമുകള്‍ക്ക് പകരം തുളസിയില പനിക്കൂര്‍ക്ക, പച്ചമഞ്ഞള്‍, യൂക്കാലി എന്നിവ വെള്ളത്തില്‍ ചേര്‍ത്ത് ആവി പിടിക്കാം.

പരമാവധി അഞ്ച് മിനിറ്റില്‍ കൂടുതല്‍ ആവി ശരീരത്തിനുള്ളിലേക്ക് സ്വീകരിക്കരുത്. ഇത് നല്ലതല്ല. ആവി പിടിക്കുമ്പോള്‍ ശ്രദ്ധിക്കേണ്ട മറ്റൊരു കാര്യം ആവി കള്ളില്‍ കൊള്ളാതെ നോക്കുക എന്നതാണ്. ഇതിനായി തുണി കൊണ്ട് കണ്ണു മൂടിയ ശേഷം മാത്രമേ ആവിപിടിക്കാവു. കണ്ണുകള്‍ തുറന്ന്‌ ഒരിക്കലും ആവി പിടിക്കരുത്.

ആവിപിടിക്കുന്നത് മുഖ സൌന്ദര്യത്തിനും നല്ലതാണ്. പച്ചമഞ്ഞള്‍ ചേര്‍ത്തും വെറും വെള്ളത്തിലോ ആവി പിടിക്കുന്നതാണ് മുഖത്തിന് നല്ലത്. ഇത് മുഖ ചര്‍മ്മത്തെ കൂടുതല്‍ മൃദുലമാക്കുകയും മുഖത്തെ മാലിന്യങ്ങള്‍ നീക്കാന്‍ സഹായിക്കുകയും ചെയ്യും.

 
� Infomagic - All Rights Reserved.